दोलखामा एपेक्स स्कुलको दीक्षान्त समारोह सम्पन्न
२०७५ सालदेखि सुरु कार्यक्रमले बालबालिकामा शिक्षाप्रति सकारात्मक धारणा विकास गर्ने लक्ष्य
हेर्दाहेर्दै डेस्क
१७ चैत २०८२, मङ्गलवार
हेर्दाहेर्दै डेस्क
१७ चैत २०८२, मङ्गलवार
401
SharesNews Summary
- चरिकोटको एपेक्स स्कुलले बालबालिकामा शिक्षाप्रति रुचि जगाउन दीक्षान्त समारोह आयोजना गर्यो।
- यसको उद्देश्य बालबालिकामा अध्ययनप्रतिको रुचि र आत्मविश्वास बढाउनु थियो।
- विद्यार्थीका सांस्कृतिक प्रस्तुति र अभिभावक-शिक्षकका खेलले विद्यालय-अभिभावक सम्बन्ध सुदृढ बनायो।
दोलखा । चरिकोटस्थित एपेक्स स्कुलले साना बालबालिकालाई शिक्षाप्रति आकर्षित गर्ने उद्देश्यले दीक्षान्त समारोह आयोजना गरेको छ।
विद्यालयले २०७५ सालदेखि सुरु गरेको यो कार्यक्रम हरेक वर्ष हुँदै आएको छ। सोही क्रममा यस वर्षको समारोह पनि विद्यार्थी, अभिभावक तथा शिक्षकहरूको उल्लेखनीय सहभागितामा सम्पन्न भएको विद्यालयले जनाएको छ।
समारोहमा औपचारिक पोसाकमा सजिएका विद्यार्थीहरूलाई दीक्षित गरिएको थियो। बालबालिकामा अध्ययनप्रति रुचि अभिवृद्धि गर्नुका साथै आत्मविश्वास विकास गराउने उद्देश्यले कार्यक्रम आयोजना गरिएको विद्यालय प्रशासनको भनाइ छ।
कार्यक्रमका क्रममा विद्यार्थीहरूले विभिन्न सांस्कृतिक प्रस्तुति दिएका थिए। यस्ता गतिविधिले बालबालिकाको प्रतिभा प्रस्फुटनमा सहयोग पुग्ने विश्वास व्यक्त गरिएको छ।
समारोहलाई थप सहभागितामूलक बनाउन अभिभावक र शिक्षकबीच डोरी तान्ने खेल आयोजना गरिएको थियो। यसले विद्यालय र अभिभावकबीचको सम्बन्ध सुदृढ बनाउन टेवा पुगेको जनाइएको छ।
विद्यालयले यस्ता कार्यक्रममार्फत बालबालिकामा शिक्षाप्रति सकारात्मक धारणा विकास गराउने लक्ष्य राखेको जनाएको छ।
401 Shares
