च्छो रोल्पा पदमार्ग अब थप सुरक्षित
छेतछेत-च्छो रोल्पा पदमार्गमा पूर्वाधार विस्तार, पदयात्रा थप सहज
हेर्दाहेर्दै डेस्क
२५ असार २०८३, बिहिवार
हेर्दाहेर्दै डेस्क
२५ असार २०८३, बिहिवार
516
SharesNews Summary
- गौरीशंकर गाउँपालिका-९ मा काठे तथा फलामे पदयात्री पुल निर्माण भएपछि पदयात्रीहरूको यात्रा सुरक्षित बनेको छ ।
- पुल निर्माणले वर्षायाममा हुने आवागमनको जोखिम घटेको छ ।
- पुल निर्माणले स्थानीय पर्यटन प्रवर्द्धनमा टेवा पुग्ने विश्वास व्यक्त गरिएको छ।
दोलखा। गौरीशंकर गाउँपालिका–९ अन्तर्गत पर्ने छेतछेत-च्छो रोल्पा पदमार्गमा काठे तथा फलामे पदयात्री पुल निर्माण भएपछि च्छो रोल्पा हिमताल र रोलवालिङ उपत्यका जाने पदयात्रीहरूको यात्रा थप सुरक्षित र सहज बनेको छ।
विशेषगरी वर्षायाममा बाढी आउने खोला तथा खोल्साहरूमा निर्माण गरिएका यी पुलहरूले पदयात्री तथा स्थानीयवासीको वर्षभरिको आवतजावतलाई सुरक्षित र सहज बनाएका छन्। पुल निर्माणसँगै वर्षायाममा हुने आवागमनको जोखिमसमेत उल्लेखनीय रूपमा घटेको छ।
गौरीशंकर गाउँपालिका-९ का वडा अध्यक्ष निमगेली शेर्पाले च्छो रोल्पा पदमार्गलाई सुरक्षित, व्यवस्थित र पर्यटकमैत्री बनाउने उद्देश्यले आवश्यक स्थानहरूमा काठे तथा फलामे पदयात्री पुल निर्माण गरिएको बताए। उनका अनुसार पदमार्गमा अझै आवश्यक पूर्वाधार निर्माण र स्तरोन्नतिको कामलाई निरन्तरता दिइनेछ।
उनले यी पूर्वाधारले च्छो रोल्पा हिमताल र रोलवालिङ उपत्यकामा पुग्ने आन्तरिक तथा विदेशी पदयात्रीहरूको यात्रा थप सुरक्षित, सहज र व्यवस्थित बनाउनुका साथै स्थानीय पर्यटन प्रवर्द्धनमा समेत टेवा पुग्ने विश्वास व्यक्त गरे।
516 Shares
