सिप्रिङखोला हाइड्रोपावर क्षेत्रमा पहिरो : एक जना बेपत्ता, चार जनाको उद्धार प्रयास जारी
दोलखा | विपद्
हेर्दाहेर्दै डेस्क
६ साउन २०८३, बुधवार
हेर्दाहेर्दै डेस्क
६ साउन २०८३, बुधवार
545
SharesNews Summary
- दोलखामा पहिरो र बाढीमा एक जना बेपत्ता भएका छन् ।
- चार जना भीरमा फसेका छन् र सुरक्षित उद्धारका लागि प्रयास भइरहेको छ ।
दोलखा । दोलखाको गौरीशंकर गाउँपालिका-९ स्थित सिप्रिङखोला हाइड्रोपावरको मूलखर्क ड्यामसाइट क्षेत्रमा आएको पहिरो र बाढीमा एक जना बेपत्ता भएका छन् भने चार जना भीरमा फसेका छन्।
गौरीशंकर गाउँपालिका-९ का वडा अध्यक्ष निमगेली शेर्पाका अनुसार पहिरो र बाढीका कारण चस्मान तामाङ बेपत्ता भएका हुन्।
उहाँका अनुसार सुका देव श्रेष्ठ, सूर्यबहादुर तामाङ, कल्याण विक र माणिक बिनोद श्रेष्ठ भीरको खुड्किलोमा फसेका छन्। उनीहरू रहेको स्थान पनि जोखिमपूर्ण रहेकाले सुरक्षित उद्धारका लागि प्रयास भइरहेको छ।
घटनाबारे जानकारी प्राप्त हुनासाथ विपद् व्यवस्थापन समिति, नेपाल प्रहरी, सशस्त्र प्रहरी र अन्य सुरक्षा निकायलाई सूचना दिइएको वडा अध्यक्ष शेर्पाले बताएका छन्। उहाँ स्वयं पनि उद्धार कार्यमा खटिएको जानकारी दिएका छन्।
घटनाबारे थप विवरण आउन बाँकी रहेको जनाइएको छ।
545 Shares
