प्रधानमन्त्री राहत कोषमा करिब १२ अर्ब जम्मा
हेर्दाहेर्दै डेस्क
२३ भदौ २०८३, मङ्गलवार
हेर्दाहेर्दै डेस्क
२३ भदौ २०८३, मङ्गलवार
554
Shares- काठमाडौँ । प्रधानमन्त्री दैवी प्रकोप उद्धार कोष र प्रधानमन्त्री राहत कोषमा करिब रु १२ अर्ब जम्मा भएको छ ।
प्रधानमन्त्री तथा मन्त्रिपरिषद्को कार्यालयका अनुसार मंगलबार बिहान ९ बजेसम्म दुवै कोषमा गरी रु ११ अर्ब ७७ करोड ६७ लाख ५० हजार २६१ जम्मा भएको हो ।
हाल नौ वटा वाणिज्य बैंकमा रु. आठ अर्ब ५९ करोड १९ लाख चार हजार २२३ मौज्दात रहेको कार्यालयले जनाएको छ । कोषमा जम्मा भएको रकममध्ये यसअघि रु. एक अर्ब रसुवाका बाढीपीडितका लागि राष्ट्रिय विपद् जोखिम न्यूनीकरण तथा व्यवस्थापन प्राधिकरणको नाममा निकासा भइसकेको छ ।
त्यस्तै, हिमालयन बैंक लिमिटेड र लक्ष्मी सनराइज बैंक लिमिटेडमा रहेको डलर खातामा रु. दुई करोड ११ लाख आठ हजार ४७१ जम्मा भएको पनि प्रधानमन्त्री तथा मन्त्रिपरिषद्को कार्यालयले जनाएको छ ।
554 Shares
