गौरीशङ्कर बहुमुखी क्याम्पसको अध्यक्षमा अमृत राउत निर्विरोध निर्वाचित
गौरीशङ्कर बहुमुखी क्याम्पसको अध्यक्षमा अमृत राउत निर्विरोध निर्वाचित : ११ सदस्यीय नयाँ सञ्चालक समिति चयन
हेर्दाहेर्दै डेस्क
२ वैशाख २०८३, बुधवार
हेर्दाहेर्दै डेस्क
२ वैशाख २०८३, बुधवार
429
SharesNews Summary
- अमृत राउतको अध्यक्षतामा ११ सदस्यीय नयाँ सञ्चालक समिति निर्विरोध निर्वाचित भएको छ।
- नयाँ टोलीले क्याम्पसको शैक्षिक गुणस्तर र भौतिक पूर्वाधार विकासमा केन्द्रित हुने विश्वास लिइएको छ।
चरीकोट (दोलखा) । दोलखाको प्रसिद्ध शैक्षिक संस्था गौरीशङ्कर बहुमुखी क्याम्पसको सञ्चालक समितिमा नयाँ नेतृत्व चयन भएको छ । क्याम्पसको तेस्रो साधारण सभाले अमृत राउतको अध्यक्षतामा ११ सदस्यीय नयाँ सञ्चालक समिति निर्विरोध निर्वाचित गरेको हो ।
समितिको सदस्यहरूमा रमेश खतिवडा, रामजी प्रसाद चौलागाईं, संगिता पाख्रिन र शक्ति पाठक रहेका छन् । त्यस्तै सुरज बस्नेत`अबिरल´ , गोपाल न्यौपाने, गोकर्ण प्रसाद पोखरेल, राधा मास्के, रोचना उप्रेती र सन्तोष रिमाल पनि सदस्यमा चयन भएका छन् ।
दोलखा जिल्लाको उच्च शिक्षा विकासमा दशकौँदेखि महत्त्वपूर्ण भूमिका खेल्दै आएको यस क्याम्पसमा नयाँ नेतृत्व आएसँगै शैक्षिक गुणस्तर र भौतिक पूर्वाधार विकासले थप गति लिने विश्वास गरिएको छ । नवनिर्वाचित अध्यक्ष राउतले क्याम्पसलाई थप उचाइमा पुर्याउन सबै पक्षसँग समन्वय गरेर अघि बढ्ने प्रतिबद्धता जनाएका छन् ।
429 Shares
